बहुत जरुरी निर्देश
भिंभौरी पिरदा गांव के पास बोरसी म अवैध रुप से खुले बारुद फैक्टरी म भयानक विस्फोट होय
बेमेतरा। आप सब जानत हव कि 25 मई के बेमेतरा जिला में भिंभौरी पिरदा गांव के पास बोरसी म अवैध रुप से खुले बारुद फैक्टरी म भयानक विस्फोट होय हे जेमा पचासों या ओकरो ले जादा छत्तीसगढ़िया गरीब मजदूर मन के मौत विस्फोट म छर्री-दर्री होके हो चुके हे जेन ल प्रबंधन अऊ मौजूदा सरकार द्वारा छुपाय जात हे । का हम छत्तीसगढ़िया मन के जिनगी अतेक सस्ता हे जेन हमन लगातार ये परदेसिया मन के फैक्ट्री मन के भेंट चढ़त जात हन । कब रुकही ये सिलसिला ?? कोन हमर गांव के दईहान, खेत खार अऊ भाठा मन म अतेक खतरनाक गैरकानूनी फैक्टरी खोले के इजाजत दे हावय, सबके हिसाब मांगे जाही ।
आज अगर हम अईसन घटना के विरोध म सकला के खड़ा नहीं होबो त काली बर पूरा छत्तीसगढ़िया कौम ल छत्तीसगढ़ के धरती ले खतम कर दिये जाही ।
छत्तीसगढ़िया क्रान्ति सेना, जोहार छत्तीसगढ़ पार्टी के जम्मो सेनानी मन ले अऊ आम छत्तीसगढ़िया जनता ले हमन आह्वान करत हन कि पूरा प्रदेश ले निकल के काली इतवार 26 मई के दिन ठीक 9 बजे घटना स्थल म सकलावव ताकि मृतक परिवार मन ल न्याय देवाय जा सकय ।
(घटनास्थल के करेंट लोकेशन ये संदेश के साथ आप सब ल दिये जात हे)
प्रदेश कार्यालय
छत्तीसगढ़िया क्रान्ति सेना
No comments:
Post a Comment
Please do not enter any spam link in the comment box.